ગરવી તાકાત અરવલ્લી : મેઘરજના ઈસરી પોલીસે રાજગોળ ગામની સીમ નજીકથી એક ક્રેટા ગાડીમાંથી ₹8.25 લાખનો વિદેશી દારૂ ઝડપી પાડ્યો જોકે, પોલીસને જોઈને ગાડીનો ડ્રાઈવર અને બુટલેગર અંધારાનો લાભ લઈને ફરાર થઈ ગયા ઈસરી પોલીસ મથકને ગુપ્ત બાતમી મળી કે દારૂ ભરેલી ક્રેટા કાર રાજગોળ ગામ તરફથી પસાર થવાની આ બાતમીના આધારે ઈસરી પી.આઈ.એન.એમ. બામણીયા અને તેમના સ્ટાફે રાજગોળ ગામની સીમ નજીક રોડ પર વહેલી સવારે સઘન વોચ ગોઠવી.
વોચ દરમિયાન એક સફેદ કલરની હ્યુન્ડાઈ ક્રેટા ગાડી આવતા જણાઈ પોલીસે ગાડી રોકવાનો પ્રયાસ કરતા ડ્રાઈવર ગભરાઈને કાર રોડ નીચે ઉતારી અંધારાનો લાભ લઈ ભાગી છૂટ્યો તેની સાથે બાજુની સીટમાં બેઠેલો બુટલેગર પણ સ્થળ પરથી ફરાર થઈ ગયો પોલીસ સ્ટાફે ગાડીની સઘન તપાસ કરતા તેમાંથી મોટી માત્રામાં વિદેશી દારૂ મળી આવ્યો.
કારમાંથી કુલ 1195 નંગ વિદેશી દારૂની બોટલો મળી આવી જેની બજાર કિંમત ₹2,52,540 આંકવામાં આવી દારૂ ભરેલી ક્રેટા ગાડી પણ કબજે લેવામાં આવતા કુલ મુદ્દામાલની કિંમત આશરે ₹8,25,540 થાય ઈસરી પોલીસે પ્રોહિબિશન એક્ટ હેઠળ ગુનો નોંધી વધુ કાર્યવાહી હાથ ધરી ફરાર ગાડીચાલક અને બુટલેગરની ઓળખ કરી તેમની ધરપકડ કરવા માટે પોલીસે ચક્રો ગતિમાન કર્યા સમગ્ર ઘટના અંગે ઈસરી પોલીસ વધુ તપાસ ચલાવી રહી.
