બનાસકાંઠાનિ ધરતી પર વડાપ્રધાન નરેન્દ્રભાઈ મોદીના આગમનને લઈ તડામાર તૈયારીઓ

ગરવી તાકાત પાલનપુર : ઉતરગુજરાત નું ગૌરવ એવા દેશ ના વડાપ્રધાનના જ્યારે બનાસકાંઠાના દિયોદરની પાવન ધરા પર આવી રહ્યા છે. જે કાર્યક્રમને લઈ બનાસ ડેરી દ્વારા આગમનની તડામાર તૈયારીઓ શરૂ કરી દેવામાં આવી છે. કલેકટર આનંદ પટેલ સહિત જિલ્લાનું પોલીસ તંત્ર અને  જિલ્લાના ઉચ્ચ અધિકારીઓએ સ્થળ મુલાકાત લીધી હતી.

વડાપ્રધાનશ્રીના કાર્યક્રમને અનુલક્ષી બનાસ ડેરી દ્વારા તડામાર તૈયારીઓ ચાલી રહી છે. આ કાર્યક્રમને લઇ બનાસકાંઠા જિલ્લા વહીવટી તંત્ર પણ સક્રિય બન્યું છે. કલેકટર આનંદ પટેલ, પોલીસ અધિક્ષક અક્ષયરાજ મકવાણા સહિત જિલ્લાના ઉચ્ચ અધિકારીઓએ દિયોદર- સણાદર ખાતે બનાસ ડેરી સંકુલના સ્થળની મુલાકાત લઇ વડાપ્રધાનશ્રીના કાર્યક્રમ અંગે ઝીંણવટભરી વિસ્તૃત ચર્ચા કરી હતી. અત્રે ઉલ્લેખનીય છે કે, દિયોદર ખાતે બનાસ ડેરીનું  નિર્માણ કાર્ય જૂન-2020 માં શરૂ થયું હતુ. માત્ર ૧૮ મહિનાના ટૂંકાગાળામાં અને કોવિડ-૧૯ની વૈશ્વિક મહામારીની વિપરીત પરિસ્થિતિ વચ્ચે સ્ટેટ ઓફ ધી આર્ટ ડેરી પ્લાન્ટ નિર્માણ પામ્યો છે. લાખો પશુપાલકોએ બનાસ ડેરીના ચેરમેનશ્રી શંકરભાઇ ચૌધરી અને ડેરીના નિયામક મંડળમાં મુકેલા વિશ્વાસના પરિણામે આજે બનાસ ડેરી ઉત્તરોત્તર પ્રગતિના સોપાનો સર કરી વૈશ્વિક ઉંચાઇઓ હાંસલ કરી રહી છે.

તસવિર અને અહેવાલ : જયંતિ મેટિયા– પાલનપુર