તેમની મુલાકાત દરમિયાન, ટીમ વીર સાવરકર સ્પોર્ટ્સ કોમ્પ્લેક્સ, નરેન્દ્ર મોદી સ્ટેડિયમ, અમદાવાદમાં EKA એરેના, વડોદરા ક્રિકેટ સ્ટેડિયમ અને સ્ટેચ્યુ ઓફ યુનિટી સહિતના મુખ્ય સ્થળોની મુલાકાત લેશે. આજની બેઠક દરમિયાન, મુખ્યમંત્રી ભૂપેન્દ્ર પટેલે જણાવ્યું હતું કે રાજ્ય સમયબદ્ધ, ઉચ્ચ-ગુણવત્તાવાળા અને અસરકારક આયોજન દ્વારા 2030 કોમનવેલ્થ ગેમ્સનું ભવ્ય આયોજન કરવા માટે પ્રતિબદ્ધ છે. 2030 ની આવૃત્તિ કોમનવેલ્થ ગેમ્સની શતાબ્દી ઉજવશે તે વાત પર ભાર મૂકતા, રુકરેએ ગુજરાતની યજમાન તરીકે પસંદગીને ગર્વની વાત ગણાવી. મુખ્યમંત્રી પટેલે પ્રતિનિધિમંડળ અને ભારતીય ઓલિમ્પિક એસોસિએશનને ખાતરી આપી હતી કે રાજ્ય સરકાર રમતોના સફળ આયોજન માટે તમામ જરૂરી માળખાકીય સુવિધાઓ અને સુવિધાઓ પૂરી પાડશે.

કોમનવેલ્થ પ્રતિનિધિમંડળે મુખ્યમંત્રીને જુલાઈ અને ઓગસ્ટ 2026 દરમિયાન ગ્લાસગોમાં યોજાનારી આગામી કોમનવેલ્થ ગેમ્સમાં હાજરી આપવા માટે આમંત્રણ પણ આપ્યું હતું, જેથી તેઓ ઇવેન્ટ આયોજન અને અમલીકરણનો અભ્યાસ કરી શકે. પટેલે આમંત્રણ સ્વીકાર્યું અને કહ્યું કે ગુજરાતનું એક પ્રતિનિધિમંડળ હાજરી આપશે. બેઠક દરમિયાન ટોચના અમલદારો અને સ્પોર્ટ્સ ઓથોરિટી ઓફ ગુજરાતના પ્રતિનિધિઓ સહિત વરિષ્ઠ અધિકારીઓ પણ હાજર રહ્યા હતા. પ્રતિનિધિમંડળની મુલાકાતના ભાગ રૂપે વધુ મૂલ્યાંકન અને સ્થળ નિરીક્ષણનું આયોજન કરવામાં આવ્યું છે.

એક દુકાનદારે લાશ જોઈને વન વિભાગને જાણ કરી, જેણે ભવનાથ પોલીસને જાણ કરી. સ્થાનિક કુલીઓની મદદથી, લાશને ટેકરી પરથી નીચે લાવવામાં આવી અને ગોહિલના પરિવારને સોંપતા પહેલા પોસ્ટમોર્ટમ માટે મોકલી આપવામાં આવી. પોલીસે આકસ્મિક મૃત્યુનો કેસ નોંધ્યો છે, અને ઘટનાની વધુ તપાસ ચાલી રહી છે.

એવું જાણવા મળ્યું છે કે ગોહિલને સાથી ટ્રેકર્સ દ્વારા જોખમી શોર્ટકટ ન લેવાની ચેતવણી આપવામાં આવી હતી પરંતુ ચેતવણીઓને અવગણીને ચઢતી વખતે તે લપસી ગયો. જિલ્લા વહીવટીતંત્ર અને સંતોએ આ વર્ષે કમોસમી વરસાદને કારણે પ્રતીકાત્મક રીતે ગિરનાર પરિક્રમા યોજવાનો નિર્ણય લીધાના થોડા સમય પછી આ ઘટના પ્રકાશમાં આવી હતી, જે ટેકરીની આસપાસના પડકારજનક હવામાન અને ભૂપ્રદેશની સ્થિતિને દર્શાવે છે.

ગરવી તાકાત બનાસકાંઠા : પૂરથી પ્રભાવિત વિસ્તારમાં વરસાદના વિરામના 11 દિવસ બાદ પણ કોઈ પીડિતોને કેસડોલ્સ, ઘરવખરી,પશુમૃત્યુ,પાક ધોવાણ,જમીન ધોવાણ સહિતની કોઈ સહાય ના ચૂકવાતા લોકોમાં આક્રોશ. બનાસકાંઠા જિલ્લાના સરહદી સુઈગામ,વાવ, ભાભર તેમજ થરાદ તાલુકાઓમાં 12 દિવસ પહેલાં 48 કલાકમાં ખાબકેલા 10 થી 22 ઇંચ વરસાદે પૂરની સ્થિતિનું નિર્માણ કરતા સરહદી વિસ્તારના લોકો આ કુદરતી આફતની આગોશમાં હેરાન પરેશાન થઈ રહ્યા છે, ગત તા.6,7,તેમજ 8 તારીખે ખાબકેલા અતિભારે વરસાદે ખાસ તારાજી સર્જી છે, આજે પણ મોટાભાગના ગામોમાં નીચાણવાળા વિસ્તારોના ઘરોમાં વરસાદી પાણી ભરાયેલા છે, ખેતરો તો તળાવોની જેમ હિલોળા લઈ રહ્યા છે, વરસાદના વિરામના 11 દિવસ બાદ પણ પૂર પીડિત લોકોને નિયમ મુજબ મળતી કેસડોલ્સ અને ઘરવખરીને સહાય ના ચૂકવાતા આખરે તંત્ર ની ઢીલી કામગીરીથી રોષે ભરાયેલા સુઈગામ તાલુકાના ખેડૂતો અને પશુપાલકોએ મોટી સંખ્યામાં એકઠા થઈ ગુરુવારે સુઈગામ પ્રાંત કલેક્ટર અને તાલુકા વિકાસ અધિકારીને રૂબરૂ મળી પૂરથી પીડિત તાલુકાના તમામ લોકોને તાત્કાલિક કેસડોલ્સ, ઘરવખરી રોકડમાં ચૂકવવામાં આવે તેવી રજૂઆત કરી હતી,

વળી વરસાદી પૂરના પાણીમાં ડૂબી ગયેલા કે તણાઈ ગયેલા અને સાચા પશુપાલકોના મૃત પશુઓની નોંધણી કરી તેમને પશુમૃત્યુ સહાય ચૂકવવામાં આવે,2015 અને 2017 ના પૂર વખતે જે પાક નિષ્ફળ અને જમીન ધોવાણ સહાય ચૂકવાઈ હતી તેમાં 40% નો વધારો કરી તત્કાલિક 100% સહાય ચૂકવવામાં આવે તેવી પણ આવેદનપત્રમાં રજૂઆત કરાઇ છે,ગામતળ અને ખેતરોમાં વસવાટ કરતા લોકોને ઘરવખરી સહાય ચૂકવવામાં આવે, જે વ્યક્તિઓના ઘરોમાં જીરું,અનાજ, એરંડા સહિતના પાકો પલળી ગયા હોય તેનું પંચનામા સર્વે કરી સહાય ચુકવાય, ખેતરોમાં વાવેતર કરેલ પાકો અને ઘાસચારો હાલે પણ ખેતરોમાં ભરાયેલ પાણીમાં નષ્ટ થઈ ગયેલ હોઈ તમામ ગામોમાં પૂરતા પ્રમાણમાં દરેક પશુપાલકોને સરકારી ઘાસ પૂરું પાડવામાં આવે, જે રહેણાક ઘરો અને ખેતરોમાં વરસાદી પાણી ભરાયેલ હોય તેનો તત્કાલિક નિકાલ કરવામાં આવે, ખેડૂતોના ખેતરોમાં ભાગીયા તરીકે કામ કરતા ખેતમજૂરોને પણ પાક વળતરમાં 25% અલગથી સહાય આપવામાં આવે,તેવી અનેક માગણીઓ કરવામાં આવી હતી, એકબાજુ કુદરતી થપાટમાં ખેડૂતો પશુપાલકો, ખેતમજૂરોની હાલત દયનીય થઈ ગઈ છે,

ત્યારે વરસાદના વિરામના 11 દિવસ બાદ પણ કોઇપણ પ્રકારની સરકાર તરફથી આર્થિક મદદ ના મળતાં સરહદી લોકોમાં આક્રોશ ભભૂકી ઉઠ્યો છે, આ અંગે અગ્રણી કે.પી. ગઢવીએ જણાવ્યું હતું કે પૂરની પરિસ્થિતિની પીડા જેણે ભોગવી છે,તેને જ ખબર છે, ખેતરોમાં પાણી ભરાતા ખેતીપાકો તબાહ થઈ ગયા છે, લોકોના ઘરોમાં પાણી ભરાઈ જતા માંડ જીવ બચાવી બીજે આશ્રય લીધો હતો, અને આજે પણ કેટલાય ગામોમાં લોકોના ઘરોમાં પાણી ભરાયેલા હોવાના કારણે મજબૂરી વશ લોકોને બીજે રહેવું પડી રહ્યું છે, તંત્ર ગામડે ગામડે સર્વે કરી રહ્યું છે,જેને લઈ લોકો હેરાનગતિ ભોગવી રહ્યા છે, છતાં કેસડોલ્સ કે ઘરવખરી સ્વરૂપે કોઈ સહાય ચૂકવવામાં આવી નથી, તાલુકાના અધિકારીઓને કેટલી સહાય ચૂકવવી એની પણ ખબર નથી, ઉપરની સૂચનાની રાહ જોવાઈ રહી છે,આ ખરેખર પૂર પીડિતોની મજાક સમાન બાબત છે,તાત્કાલિક પૂરગ્રત વિસ્તારના તમામ લોકોને કેસડોલ્સ,ઘરવખરી, પાક નિષ્ફળ,જમીન ધોવાણ સહિતની સહાય ચૂકવવામાં આવે અને મૂંગા પશુધન માટે પૂરતું ઘાસ પૂરું પાડવામાં આવે તેવી અમારી માંગ છે,

-> રજૂઆત કરવા ગયેલા ખેડૂતોને સુઈગામ મહિલા TDO એ ખેડૂતોને રાહ જોવડાવી :- સુઈગામ પ્રાંત કલેક્ટરને રજૂઆત કરવા ગયેલા ખેડૂતો અને પશુપાલકો સુઈગામ મહિલા TDO ને પણ રજૂઆત કરવા ગયા હતા,પણ તેમની ચેમ્બરમાં પોતે હાજર ના હોઈ બપોરે 1:30 થી ખેડૂતો રાહ જોઈ બેઠા હતા,તેઓએ દોઢ કલાકની રાહ જોવડાવ્યા બાદ બપોર બાદ 3 વાગ્યે ઓફિસમાં આવ્યા હતા, ખેડૂતો અને પશુપાલકોએ TDO મેડમને લેખિત તેમજ મૌખિક રજુઆત કરી હતી, અને ખાસ કરીને પૂરની પરિસ્થિતિના ચાર દિવસ બાદ પશુ મૃત્યુ અંગેનું સર્વે કરવાની શરૂઆત કરી હતી,જેમાં મોટાભાવના ખેડૂતોએ મૃત પશુઓને દાટી દીધા હતા,અને કેટલાય ગામોમાં પશુપાલકોના પશુઓ વરસાદી પાણીમાં તણાઈ ગયા છે, એવા પશુપાલકો નું સરપંચ,તલાટી તેમજ ગામના અન્ય આગેવાનો પંચનામા આધારે સર્વે ખરાઇ કરી પુષ્મૃત્યુ સહાય ચૂકવાય તેવી રજૂઆત કરી હતી,અને જો એક બે દિવસમાં આ અંગે તંત્ર દ્વારા કોઈ કાર્યવાહી કરવામાં નહીં આવે તો ના છૂટકે ઉપવાસ આંદોલન કરવાની પણ ખેડૂતોએ ચીમકી ઉચ્ચારી હતી.

ઉત્તર અને મધ્ય ગુજરાત: સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર દક્ષિણ ગુજરાત: વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી સૌરાષ્ટ્ર અને કચ્છ: સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ UTs: દમણ, દીવ, દાદરા અને નગર હવેલી આનો અર્થ એવો થાય છે કે નવરાત્રિના પ્રથમ ત્રણ દિવસ, 22મી સપ્ટેમ્બરથી શરૂ થતાં, કચ્છ, બનાસકાંઠા, પાટણ અને ગુજરાતના મોટાભાગના ભાગોમાં ગરબાના કાર્યક્રમોમાં અવારનવાર વરસાદ પડી શકે છે. મહેસાણા, જ્યાં શુષ્ક હવામાન રહેવાની શક્યતા છે. નવરાત્રિના બાકીના દિવસો માટે, 1 ઓક્ટોબર સુધી માન્ય IMD ની લાંબા ગાળાની આગાહી સૂચવે છે કે રાજ્યમાં અલગ અલગ સ્થળોએ વ્યાપક વરસાદ પડી શકે છે.

25 સપ્ટેમ્બરથી 1 ઓક્ટોબર 2025 માટે આગાહી જણાવે છે કે, “મધ્ય અને ઉત્તર દ્વીપકલ્પીય ભારતના મોટાભાગના ભાગો (ખાસ કરીને ઓડિશા, છત્તીસગઢ, મધ્યપ્રદેશ, પૂર્વ રાજસ્થાન, ગુજરાત અને મહારાષ્ટ્ર) માં, મુખ્યત્વે અઠવાડિયાના પહેલા ભાગમાં, છૂટાછવાયા ભારેથી અતિ ભારે વરસાદ સાથે વ્યાપક વરસાદ પડી શકે છે.” આ દરમિયાન, આજની તારીખે, દક્ષિણપશ્ચિમ ચોમાસાની વિદાય રેખા 31°N/74°E, ભટિંડા, ફતેહાબાદ, પિલાની, અજમેર, ડીસા, ભુજ અને 23°N/68°Eમાંથી પસાર થાય છે. વધુમાં, મરાઠવાડા ઉપર ઉપરી હવાનું ચક્રવાતી પરિભ્રમણ ચાલુ રહે છે, જે સરેરાશ સમુદ્ર સપાટીથી 1.5 કિમી અને 3.1 કિમી સુધી વિસ્તરે છે. નવરાત્રી ઉત્સવનું આયોજન કરી રહેલા ગુજરાતના રહેવાસીઓને સલાહ આપવામાં આવે છે કે તેઓ તેમના દાંડિયા સાથે છત્રી સાથે રાખે કારણ કે છૂટાછવાયા વરસાદની શક્યતા છે, ખાસ કરીને મધ્ય અને દક્ષિણ જિલ્લાઓમાં.

-> પશુઓ માટે તાત્કાલિક ઘાસચારાની વ્યવસ્થા થશે,કેસડોલ્સ,ઘરવખરી બે દિવસમાં ચૂકવવા માટે મુખ્યમંત્રીએ સૂચના આપી છે, વિધાનસભા અધ્યક્ષ શંકરભાઈ ચૌધરી :

ગરવી તાકાત બનાસકાંઠા : બનાસકાંઠા જિલ્લાના સરહદી સુઈગામ, ભાભર, વાવ અને થરાદ તાલુકામાં ગત 6,7,અને 8 તારીખ દરમ્યાન અતિભારે વરસાદ પડતાં સર્જાયેલ પૂરની પરિસ્થિતિમાં અનેક પરિવારો બેઘર બન્યા છે, 48 કલાકમાં વરસેલી આકાશી આફતમાં 22 ઇંચ જેટલો વરસાદ ખાબકતા ખાસ કરીને સરહદી સુઈગામ તાલુકામાં અતિ ભયંકર સ્થિતિ સર્જાઈ છે, વરસાદના વિરામના 5 દિવસ બાદ પણ સુઈગામથી ભાભર,સુઈગામથી વાવ તરફ જવાના સ્ટેટ તેમજ નેશનલ હાઈવે બંધ છે, જ્યારે હજુ પણ સુઈગામ તાલુકાના 10 ગામોમાં જવા આવવા માટે ટ્રેક્ટર કે NDRF ની હોડીઓ મારફતે જ જવાય તેવી સ્થિતિ છે,પૂરની ભયાવહ પરિસ્થિતિના કારણે ખેતરોમાં પાણી ભરાઈ જવાથી ખેતીપાકો તબાહ થઈ ગયા છે, તાલુકાના લગભગ તમામ ગામોમાં નીચાણ વાળા વિસ્તારોમાં રહેતા લોકોના ઘરોમાં પાણી ભરાઈ જવાના કારણે.

જીવ બચાવવા લોકો સ્થળાંતર કરી સરકારી દવાખાના, આંગણવાડીઓ, શાળાઓ અને અરસ પરસ સંબંધીઓના ઘરોમાં કે જાહેર રોડ રસ્તા પર પશુઓ સાથે મજબૂરીમાં વસવાટ કરવો પડી રહ્યો છે, ઘરોમાં હજુ પણ પાણી ભરાયેલા છે, ઘર વખરી,અનાજ બધું જ પાણીમાં પલળી નાશ પામ્યું છે, ખાસ કરીને સુઈગામ,ભરડવા, દુધવા, બોરુ, સેડવ, ભટાસણા, મમાણા, લીંબાળા, કોરેટી, કાણોઠી રાજપુરા સહિતના ગામોમાં મોટા ભાગના ઘરો પૂરના પાણીમાં ગરકાવ હોઈ લોકો કુદરત આગળ લાચાર બની ગયા છે, પૂરની સ્થિતિનું નિર્માણ થતાં સ્થાનિક અને જિલ્લા વહીવટી તંત્ર દ્વારા લોકોનું રેસ્ક્યુ કરી સ્થળાંતર કરવાની અને ફૂડ પેકેટ પહોંચાડવાની કામગીરી કરી રહયું છે, ત્યારે પૂર પ્રભાવિત સરહદી સુઈગામ તાલુકાની ગુરુવારે ગુજરાતના મુખ્યમંત્રી ભૂપેન્દ્રભાઈ પટેલે રૂબરૂ મુલાકાત લઈ.

પીડિત લોકો સાથે વાર્તાલાપ કર્યો હતો,અને પૂર થી પીડિતોની શું તકલીફ છે, એ શાંતિથી સાંભળી હતી, સુઈગામ ખાતે હેલિપેડથી ઉતરી તેઓ સીધા સરકારી સામૂહિક કેન્દ્રમાં ગયા હતા,જ્યાં જે લોકોના ઘરોમાં પાણી ભરાઈ ગયેલ છે,તેવા પીડિતો આશ્રય લેતા હોઈ તેમની સાથે સંવાદ કર્યો હતો,અને આરોગ્યની સેવાઓનું જાત નિરીક્ષણ કર્યું હતું, બાદ જલોયા ખાતે વીજ સબસ્ટેશનની જાત તપાસ કરી ગામની મહિલાઓ સાથે ચર્ચા કરી હતી,બાદ સુઈગામ સેવા સદનના મિટિંગ હોલ માં વિધાનસભા અધ્યક્ષ શંકરભાઈ ચૌધરી,જિલ્લા પ્રભારી અને કેબિનેટ મંત્રી બળવંતસિંહ રાજપૂત,ધારાસભ્યો સાથે તમામ વિભાગના અધિકારીઓ ની સાથે મિટિંગ કરી પૂરની પરિસ્થિતિ વિશે જાણકારી મેળવી જરૂરી સૂચનાઓ આપી હતી, લગભગ એક કલાક સુધી અધિકારીઓ સાથે ચર્ચા કર્યા બાદ.

વિધાનસભાના અધ્યક્ષ શંકરભાઈ ચૌધરીએ જણાવ્યું કે પૂરની પરિસ્થિતિમાં ખેડૂતોના પશુઓ માટે સૂકો ઘાસચારો તાત્કાલિક સરકાર દ્વારા પૂરો પાડવા અને પીડિત પરિવારોને કેસડોલ્સ, અને ઘર વખરીની સહાય બે દિવસમાં ચૂકવવા માટે મુખ્યમંત્રીએ તાત્કાલિક નિર્ણય લીધો છે,ઉપરાંત જે પશુપાલકોના પશુઓ મોતને ભેટ્યા છે, એમને સર્વે કરી વળતર માટે અને પૂરથી નુકશાન થયેલ પાકોનું બાયસેગ દ્વારા સર્વે કરવા માટેની સૂચના અપાઈ છે, પૂરની ગંભીર પરિસ્થિતિમાં લોકોને તાત્કાલિક સરકાર દ્વારા મદદ મળે તે માટે મુખ્યમંત્રી ગુરુવારે વાવ થરાદ ખાતે રાત્રિ રોકાણ કરશે, અને પરિસ્થિતિનો તાગ મેળવશે, અત્રે ઉલ્લેખનીય છે કે પૂર પીડિતોની સાથે…

-> સુઈગામ તરફ આવવા જવા માટેના સ્ટેટ તેમજ નેશનલ અને સિંગલ પટ્ટી રસ્તાઓ પાણીમાં :

ગરવી તાકાત બનાસકાંઠા : બનાસકાંઠા જિલ્લાના સરહદી સૂઇગામ તાલુકામાં છેલ્લા ત્રણ દિવસથી અતિભારે પવન સાથે સતત વરસેલા વરસાદથી ઠેર ઠેર તારાજી સર્જાઈ છે, બે દિવસમાં 17 ઇંચથી વધુ વરસાદ પડતા ખેડૂતોના ખેતરો બેટમાં ફેરવાયા હતા જ્યાં જોવા ત્યાં ક્યાંય કેડ સામા તો ક્યાંય ગળા ડૂબ પાણી જોવા મળ્યું હતું અતિભારે વરસાદ ના કારણે સુઈગામ તાલુકાના તમામ ગામોમાં પૂરની સ્થિતિનું નિર્માણ થયું છે, અતિભારે વરસાદ ના કારણે સુઈગામ તાલુકાના સુઈગામ, ભરડવા, જલોયા, કોરેટી, મમાંણા, ગોલપ,નેસડા, રડોસણ, ઉચોસણ, જીરાવરગઢ , મોતીપુરા , લીંબાલા, સહિત 13 ગામો સંપર્ક વિહોણા બની જવા પામ્યા હતા, પૂરની સ્થિતિને પહોંચી વળવા તંત્ર દ્વારા સુઈગામ, જલોયા, ભરડવા ગામોમાં NDRF ,SDRF તેમજ પોલીસ સ્ટાફની મદદ થી પાણીમાં ફસાયેલા લોકોનું રેસ્ક્યુ કરી સલામત સ્થળે ખસેડી આશ્રય આપ્યો હતો, જ્યારે કેટલાક પુર અસરગ્રસ્ત લોકોને બીજી જગ્યાએ આશરો લેવાનો વારો આવ્યો હતો.

સાથે સૂઇગામ તાલુકા નું વહીવટી તંત્ર પણ લોકોને કોઇપણ જાતની મુશ્કેલીઓ ન પડે એના માટે સતત ત્રણ દિવસથી ખડે પગે રહીને લોકોને સલામત જગ્યાએ ખસેડવામાં સફળ રહયુ હતું , સતત ત્રણ દિવસ અનરાધાર વરસાદ પડતા સૂઇગામના ત્રણ રસ્તા, રૂપાણી વાસ ,શિવનગર સહિત નીચાણ વાળા વિસ્તારો પાણીમાં ગરકાવ થઈ જતાં 200 જેટલા પરિવારોને સલામત સ્થળે ખસેડવામાં આવ્યા હતા,રણમાં વધુ પાણી આવવાના કારણે નડાબેટ સંપર્ક વિહોણું બન્યું હતું સાથે ભરડવા સહિત કેટલાક ગામો સંપર્ક વિહોણા બન્યા છે,હજુ પણ અનેક ગામોમાં કપરી પરિસ્થિતિ હોવાના કારણે એ ગામોમાં જવા આવવા માટે ટ્રેકટર કે NDRF ની હોડીમાં જ ફૂડ પેકેટ પહોચાડવામાં આવી રહ્યા છે, હજુ પણ ભરડવા કોરેટી લીંબાળા જલોયા ગોલપ નેસડા પાડણ , ભટાસણા, મોતીપુરા સહિત ના ગામડાઓ સંપર્ક વિહોણા છે,

તાલુકાના તમામ ગામોમાં પૂરની પરિસ્થિતિથી જન જીવન ખોરવાઈ ગયું છે, કેટલીયે જગ્યાએ વીજવાયર તૂટી જવાથી અને વીજપોલ ધરાશાયી થવાના કારણે ત્રણ દિવસથી વીજળી ગુલ છે,જેના કારણે તાલુકામાં અંધારપટ છવાયેલો છે, તાલુકાના તમામ ગામોમાં નીચાણ વાળા ભાગોમાં વસવાટ કરતા લોકોને રેસ્કયુ કરી પ્રાથમિક શાળાઓ, સરકારી દવાખાના સહિતની કચેરીઓમાં આશ્રય આપવામાં આવી રહ્યો છે, હજુ પણ નીચાણ વાળા વિસ્તારોમાં કેડ સમા, કે માંથોડા બોળ પાણી ભરાયેલા છે,લોકોના અનેક પાલતુ પશુઓ મરણને શરણ થયાં છે,ઘરોમાં પૂરના પાણી ભરાવાના કારણે ઘરવખરી, અનાજ સહિત બધી વસ્તુઓ પાણીમાં ગરકાવ થઈ ગઈ છે, જોકે લોકો જીવ બચાવી આશ્રય મેળવી રહ્યા છે, મંગળવારે વરસાદે સંપૂર્ણ વિરામ લીધો હોઇ વહીવટી તંત્ર દ્વારા બચાવ કામગીરી તેજ કરી દીધી છે, તાલુકા જિલ્લા નું વહીવટી તંત્ર અત્યારે લોકોને ફૂડ પેકેટ વિતરણ ની કામગીરી ચાલુ છે.

સુઈગામ પ્રાંત કલેકટર ની અધ્યક્ષતા માં તમામ વિભાગો બચાવ અને રાહત કામગીરીમાં જોડાયા છે, ખાસ કરીને સુઈગામ પી.આઇ.એચ.એમ.પટેલ પોતે જાતે ટ્રેકટર ચલાવી પોલીસ સ્ટાફ અને અન્ય સાથી અધિકારીઓની સાથે અસરગ્રસ્ત ગામોમાં જઈ બચાવ કામગીરી કરી રહ્યા છે, આ અંગે સુઈગામના વડીલો સાથે વાત કરતાં તેમણે જણાવ્યું કે 2015,ના પુર બાદ આ બીજી વખત અતિ ભયંકર પૂરની પરિસ્થિતિ સર્જાઈ છે, ગૌશાળા માં 100 જેટલી ગાયો મરી ગઈ છે, ગામના અન્ય પશુ પાલકોના પણ અસંખ્ય પશુઓ મોતને ભેટ્યા છે, ખેતીપાકો નષ્ટ થઈ ગયા છે,જ્યાં જુવો ત્યાં પાણી જ પાણી છે, આ તબાહી છે, સેંકડો લોકો બેઘર બન્યા છે,ત્યારે ખેડૂતો અને પશુ પાલકો ને રાહત મળે તે માટે સરકારશ્રી દ્વારા તાત્કાલિક ધોરણે રાહત પેકેજ ફાળવવામાં આવે તેવી માંગ કરી રહ્યા છે,

સંયુક્ત રાષ્ટ્ર : ભારતના મતે, શાંતિ રક્ષા કામગીરી ફક્ત ત્યારે જ અસરકારક બની શકે છે જો સુરક્ષા પરિષદમાં સુધારા કરીને તેને સમકાલીન વાસ્તવિકતાઓને પ્રતિબિંબિત કરવાથી મળતી કાયદેસરતા આપવામાં આવે. “યુએન શાંતિ રક્ષાની અસરકારકતા યુએન સુરક્ષા પરિષદની રચના અને કાયદેસરતા સાથે જોડાયેલી છે, જેમાં સમકાલીન વાસ્તવિકતાઓને પ્રતિબિંબિત કરવા માટે કાયમી અને બિન-કાયમી બંને શ્રેણીઓમાં વિસ્તરણ સુનિશ્ચિત કરવા માટે સુધારો કરવો આવશ્યક છે,” ભારતના કાયમી પ્રતિનિધિ પી. હરીશે બુધવારે જણાવ્યું હતું. શાંતિ રક્ષા કામગીરીમાં સૌથી વધુ સૈનિકો મોકલનારા મુખ્ય ફાળો આપનારા દેશોને કાઉન્સિલમાં કાયમી સભ્યપદથી દૂર રાખવામાં આવ્યા છે, જે મિશનને તેમના આદેશો આપે છે. શાંતિ રક્ષા માટે ઉભરતા પડકારોનો સામનો કરવા માટે, સભ્ય રાજ્ય-સંચાલિત વ્યાપક પરામર્શ પ્રક્રિયા દ્વારા સર્વસંમતિ પ્રાપ્ત કરવી જરૂરી છે, હરીશે કહ્યું.

તેમણે ઉમેર્યું કે, બધા હિસ્સેદારો, ખાસ કરીને સૈન્ય અને પોલીસ-યોગદાન આપનારા દેશોએ આ પ્રક્રિયામાં ભાગ લેવો જોઈએ. તેઓ આ મહિના માટે દક્ષિણ કોરિયાના રાષ્ટ્રપતિ દ્વારા આયોજિત શાંતિ રક્ષા પર કાઉન્સિલની ખુલ્લી ચર્ચામાં બોલી રહ્યા હતા. હરીશે કહ્યું કે શાંતિ રક્ષા કામગીરી “રાજકીય, કાર્યકારી અને તકનીકી જટિલતાઓ સાથે અનેક પડકારોનો સામનો કરી રહી છે” અને તેનો સામનો કરવા માટે “યુએન શાંતિ રક્ષાના મુખ્ય સિદ્ધાંતો તરફ પાછા ફરવાની” જરૂર છે. તેમણે કહ્યું કે આદેશો સરળ, વાસ્તવિક, સ્પષ્ટ અને કેન્દ્રિત હોવા જોઈએ. શાંતિ રક્ષા કામગીરી ત્યારે સફળ થવાની સંભાવના છે જ્યારે તેમની સાથે એક વ્યાપક રાજકીય પ્રક્રિયા હોય, જેમાં સ્પષ્ટ રીતે કલ્પના કરાયેલ રાજકીય પરિણામ હોય. તેમણે નોંધ્યું કે શાંતિ રક્ષા કામગીરી માટે ભંડોળ અનિશ્ચિત છે, અને આ પડકારનો સામનો કરવા માટે, “આદેશોનો અવકાશ શાંતિ રક્ષાઓ માટે ઉપલબ્ધ સંસાધનો સાથે મેળ ખાતો હોવો જોઈએ”. યુએસ પ્રમુખ ડોનાલ્ડ ટ્રમ્પ તેમના દેશના યોગદાનમાં ઘટાડો અથવા નાબૂદ કરવાની ધમકી આપી રહ્યા છે, જે શાંતિ રક્ષા બજેટના 25 ટકા બનાવે છે.

“હરીશે કહ્યું, “જૂના અને અપ્રચલિત આદેશો સાથેના યુએન શાંતિ રક્ષા મિશનને પાછા ખેંચી લેવાનો અને સમાપ્ત કરવાનો સમય આવી ગયો છે.” જોકે તેમણે તેનો ઉલ્લેખ કર્યો ન હતો, ભારત અને પાકિસ્તાનમાં યુએન લશ્કરી નિરીક્ષક જૂથ, જેને ભારતે વર્તમાન પરિસ્થિતિમાં બિનજરૂરી ગણાવ્યું છે, તે તેમાંથી એક છે. શાંતિ રક્ષા કામગીરી માટેના અંડર-સેક્રેટરી-જનરલ, જીન-પિયર લેક્રોઇક્સે જણાવ્યું હતું કે શાંતિ રક્ષા કામગીરી અનિશ્ચિત સમય માટે નથી, અને સંઘર્ષમાં પાછા ફર્યા વિના તેમને સમાપ્ત કરવા માટે, “સ્પષ્ટ, પ્રાથમિકતા આપેલા આદેશો, સક્રિય રાજકીય જોડાણ અને સમર્થનના નિવેદનો” આવશ્યક છે. રાજકીય અને શાંતિ નિર્માણ બાબતોના અંડર-સેક્રેટરી-જનરલ, રોઝમેરી ડીકાર્લોએ જણાવ્યું હતું કે શાંતિ રક્ષા મિશન ઘણીવાર રાજકીય રીતે અસ્થિર પરિસ્થિતિઓમાં, ચાલુ ગૃહયુદ્ધની મધ્યમાં પણ તૈનાત કરવામાં આવે છે. “આવી પરિસ્થિતિઓમાં, આપણા મિશનના પ્રારંભિક ધ્યેયો વધુ મર્યાદિત હોવા જોઈએ – જેમ કે હિંસાના બગાડને અટકાવવા, યુદ્ધવિરામ પ્રાપ્ત કરવા અથવા નાજુક પ્રારંભિક શાંતિ પ્રક્રિયાને જમીન પરથી ઉતારવામાં મદદ કરવા,” તેણીએ કહ્યું.

મંગળવારે, કચ્છના છૂટાછવાયા સ્થળોએ ભારે વરસાદ માટે પીળા એલર્ટ જારી કરવામાં આવ્યું છે, જ્યારે રાજ્યના બાકીના ભાગોમાં છૂટાછવાયા વિસ્તારોમાં હળવો થી મધ્યમ વરસાદ પડી શકે છે. મોટી રાહત આપતા, IMD આગાહી કરે છે કે બુધવાર, 10 સપ્ટેમ્બરથી વરસાદની તીવ્રતામાં ઘટાડો થશે,  અને 14 સપ્ટેમ્બર સુધી તમામ જિલ્લાઓમાં હળવો થી મધ્યમ વરસાદ અથવા ગાજવીજ સાથે વરસાદ પડવાની શક્યતા છે. દક્ષિણપૂર્વ પાકિસ્તાન અને તેની નજીકના રાજસ્થાન અને કચ્છ પર બનેલું ડીપ ડિપ્રેશન છેલ્લા છ કલાકમાં 8 કિમી પ્રતિ કલાકની ઝડપે ધીમે ધીમે ઉત્તરપશ્ચિમ તરફ આગળ વધી રહ્યું છે.

સોમવાર, 8 સપ્ટેમ્બર, 2025 ના રોજ સવારે 8:30 વાગ્યે, તે 25.0° ઉત્તર અક્ષાંશ અને 70.5° પૂર્વ રેખાંશની નજીક, છોર (પાકિસ્તાન) થી લગભગ 90 કિમી દક્ષિણપૂર્વમાં, બાડમેર (રાજસ્થાન) થી 120 કિમી દક્ષિણપશ્ચિમમાં, રાધનપુર (ગુજરાત) થી 170 કિમી ઉત્તરપશ્ચિમમાં, જેસલમેર (રાજસ્થાન) થી 190 કિમી પશ્ચિમ-ઉત્તરપશ્ચિમમાં અને ભુજ (ગુજરાત) થી 210 કિમી ઉત્તર-ઉત્તરપૂર્વમાં કેન્દ્રિત હતું. મંગળવાર બપોર સુધી આ ડિપ્રેશન દક્ષિણપૂર્વ પાકિસ્તાન અને તેની નજીકના રાજસ્થાનમાં લગભગ ઉત્તરપશ્ચિમ તરફ આગળ વધવાની ધારણા છે.  ત્યારબાદ, તે લગભગ પશ્ચિમ તરફ આગળ વધવાની અને ધીમે ધીમે નબળા પડીને ડિપ્રેશનમાં ફેરવાઈ જવાની શક્યતા છે.

ગઈકાલે ઉત્તર ગુજરાત અને દક્ષિણપશ્ચિમ રાજસ્થાન પરના ઊંડા ડિપ્રેશન સાથે સંકળાયેલ ચક્રવાતી પરિભ્રમણમાંથી નીકળેલો ટ્રફ હવે દક્ષિણપૂર્વ પાકિસ્તાન અને નજીકના રાજસ્થાન અને કચ્છ પરના ઊંડા ડિપ્રેશનથી પશ્ચિમ રાજસ્થાનમાં દક્ષિણ પંજાબ સુધી વિસ્તરે છે. હાલમાં તે સરેરાશ સમુદ્ર સપાટીથી 1.5 કિમી ઉપર જોવા મળે છે. સરેરાશ સમુદ્ર સપાટી પરનો ચોમાસુ ટ્રફ હવે દક્ષિણપૂર્વ પાકિસ્તાન અને નજીકના રાજસ્થાન અને કચ્છ પરના ઊંડા ડિપ્રેશનના કેન્દ્રમાંથી પસાર થાય છે, ત્યારબાદ કોટા, ઓરાઈ, સિદ્ધિ, રાંચી, દિઘા થઈને પૂર્વ તરફ બંગાળની ખાડીના ઉત્તરપૂર્વ તરફ આગળ વધે છે.

-> 500થી વધુ લોકોનું સ્થળાંતર, રસ્તા ધોવાણથી 13 જેટલા ગામડા સંપર્ક વિહોણા: 1.50 લાખ ફૂડ પેકેટ અસરગ્રસ્ત નાગરિકો સુધી પહોંચાડાશે :

-> 258 વીજળીના થાંભલા નુકસાનગ્રસ્ત, 279 ગામોમાં વીજ પુરવઠો ખોરવાયો: વીજપુરવઠો ફરી કાર્યરત કરવા ટીમો તૈયાર

-> જિલ્લામાં NDRF અને SDRFની ટીમો તૈનાત, રેસ્ક્યુ કામગીરી તેજ કરાઈ :

-> નાગરિકોને કલેકટરશ્રીએ નદી કાંઠા અને નીચાણવાળા વિસ્તારમાં ના જવા અપીલ કરી :

ગરવી તાકાત બનાસકાંઠા : છેલ્લા 28 કલાક દરમિયાન બનાસકાંઠા જિલ્લાના સરહદી તાલુકાઓમાં ભારે વરસાદ નોંધાયો છે. પવન સાથે ભારે વરસાદમાં ચારે તરફ વરસાદી પાણી જોવા મળી રહ્યું છે. સરહદી સુઈગામ, ભાભર, વાવ અને થરાદ તાલુકામાં ભારે વરસાદ નોંધાયો છે. બનાસકાંઠા જિલ્લા કલેકટરશ્રી મિહિર પટેલની અધ્યક્ષતામાં આજરોજ પ્રાંત કચેરી, થરાદ ખાતે ડિઝાસ્ટરની ઉચ્ચ લેવલની બેઠક યોજાઈ હતી. જિલ્લા કલેકટરશ્રીએ સબંધિત અધિકારીઓને ભારે વરસાદ દરમિયાન જરૂરી તમામ પગલા લેવા સૂચનાઓ આપી હતી. કલેકટરશ્રી મિહિર પટેલે જણાવ્યું કે, છેલ્લા 28 કલાક દરમિયાન વાવ અને થરાદ તાલુકામાં 13 ઇંચ, ભાભરમાં 16 ઇંચ, સુઈગામમાં 17 ઇંચથી ભારે વરસાદ નોંધાયો છે. વરસાદની આગાહીને ધ્યાનમાં રાખીને આજે 8 સપ્ટેમ્બરના રોજ જિલ્લાની તમામ શાળાઓ, આંગણવાડીઓ તથા તમામ શૈક્ષણિક સંસ્થાઓને બંધ રખાઈ છે.

કલેકટરશ્રીએ જણાવ્યું કે, હાલમાં 500જેટલા લોકોનું સ્થળાંતર કરાયું છે. વાવ, થરાદ, ભાભર અને સુઈગામ તાલુકાઓમાં વધુ અસરગ્રસ્ત 13 જેટલા ગામડા હાલ સંપર્ક વિહોણા બન્યા છે. જિલ્લા વહીવટી તંત્ર અને બનાસ ડેરીના સહયોગથી અત્યાર સુધી 1.50 લાખ જેટલા ફૂડ પેકેટ બનાવવામાં આવ્યા છે. આ ફૂડ પેકેટ વરસાદી પાણી ભરાવવાના કારણે જે લોકો ફસાયા છે તેમને વિતરણ કરાશે. કલેક્ટરશ્રીએ જણાવ્યું કે, ભારે પવન સાથે પડેલા વરસાદથી 258 જેટલા વીજળીના થાંભલાને નુકસાન થયું છે. હાલમાં 279 જેટલા ગામડાં છે જેમાં વીજળી નથી તે મરામત કરીને વીજળી પાછી લાવવા માટે તમામ ટીમોને સૂચના આપવામાં આવી છે. હાલમાં 6 જેટલા પશું મૃત્યુ નોંધાયેલ છે. વરસાદનું પાણી ઉતર્યા બાદ ચોક્કસ પરિસ્થિતિનો વધુ ખ્યાલ આવી શકશે.

ભારે વરસાદને પગલે રસ્તાઓનું પણ ધોવાણ થયું છે. માર્ગ અને મકાન વિભાગ પંચાયતના કુલ 8 અને માર્ગ અને મકાન વિભાગ રાજ્યના કુલ ૫ મળી કુલ 13 જેટલા રસ્તાઓનું ધોવાણ થતા 13 જેટલા ગામડાઓ સંપર્ક વિહોણા થયા છે. જિલ્લા વિકાસ અધિકારીશ્રી અને જિલ્લા પોલીસ અધિક્ષકશ્રી સહિત જિલ્લાના તમામ ઉચ્ચ અધિકારીઓ સાથે બેઠક પૂર્ણ કરાઈ છે. તમામ વિભાગને એલર્ટ કરીને સૂચનાઓ આપવામાં આવી છે. ભારે વરસાદને પગલે ફસાયેલા લોકોનું રેસ્ક્યુ કરવા માટે સૂચના આપવામાં આવી છે. જિલ્લામાં 1 NDRF અને 2 SDRF ની ટીમ તૈયાર છે. આ ઉપરાંત વધુ એક 1 NDRF અને 2 SDRF ની ટીમ સરકારશ્રી દ્વારા મોકલવામાં આવી છે. જિલ્લા કલેકટરશ્રીએ નાગરિકોને નદી કાંઠા અને નીચાણવાળા વિસ્તારમાં ના જવા તથા વહીવટી તંત્ર તરફથી આપવામાં આવતી સૂચનાઓનું પાલન કરવા અનુરોધ કર્યો છે.

રાજ્યના તમામ જિલ્લાઓમાં ભારેથી અતિ ભારે વરસાદ પડવાની સંભાવના છે, જેમાં પાટણ, ગાંધીનગર, ખેડા, મહિસાગર, રાજકોટ, મોરબી અને બોટાદ ઓરેન્જ એલર્ટ હેઠળ છે. રવિવારે, કચ્છ, બનાસકાંઠા, મહેસાણા અને સાબરકાંઠામાં ભારે વરસાદ પડવાની સંભાવના છે. પાટણ, ગાંધીનગર, અરવલ્લી, સુરેન્દ્રનગર અને મોરબી ઓરેન્જ એલર્ટ પર છે. ખેડા, અમદાવાદ, આણંદ, પંચમહાલ, દાહોદ, મહિસાગર, રાજકોટ, જામનગર, પોરબંદર, જૂનાગઢ, દ્વારકા અને બોટાદમાં પણ ભારે વરસાદ પડવાની સંભાવના છે, અને આ જિલ્લાઓને ચેતવણી આપવામાં આવી છે. 8 સપ્ટેમ્બરના રોજ બનાસકાંઠા અને પાટણ (ગુજરાત પ્રદેશ) અને કચ્છ (સૌરાષ્ટ્ર પ્રદેશ) માં છૂટાછવાયા સ્થળોએ ભારે વરસાદ થવાની સંભાવના છે.  આ પછી, 11 સપ્ટેમ્બર સુધી, વરસાદની તીવ્રતામાં ઘટાડો થવાની સંભાવના છે,

જેમાં માત્ર હળવો થી મધ્યમ વરસાદ થવાની સંભાવના છે. ગઈકાલે મધ્ય પશ્ચિમ મધ્યપ્રદેશ પરનું લો-પ્રેશર ક્ષેત્ર પશ્ચિમ-ઉત્તરપશ્ચિમ તરફ આગળ વધ્યું છે અને હાલમાં 5 સપ્ટેમ્બર 2025ના રોજ 08.30 વાગ્યે ઉત્તરપશ્ચિમ મધ્યપ્રદેશ અને નજીકના પૂર્વ રાજસ્થાન પર એક સુચિબદ્ધ લો-પ્રેશર ક્ષેત્ર તરીકે સ્થિત છે. સંકળાયેલ ચક્રવાતી પરિભ્રમણ સરેરાશ સમુદ્ર સપાટીથી 7.6 કિમી સુધી વિસ્તરે છે અને 7 સપ્ટેમ્બરની સવાર સુધીમાં દક્ષિણ રાજસ્થાન અને નજીકના ઉત્તર ગુજરાત પર ડિપ્રેશનમાં કેન્દ્રિત થઈને પશ્ચિમ-ઉત્તરપશ્ચિમ તરફ આગળ વધવાની સંભાવના છે. ગઈકાલે દક્ષિણપશ્ચિમ મધ્યપ્રદેશ અને નજીકના વિસ્તારોમાં 5.8 કિમી સુધી વિસ્તરેલું ઉપલા હવાનું ચક્રવાતી પરિભ્રમણ, લો-પ્રેશર ક્ષેત્ર સાથે સંકળાયેલ ઉપરોક્ત ચક્રવાતી પરિભ્રમણ સાથે ભળી ગયું છે. ઉત્તરપૂર્વ અરબી સમુદ્ર અને નજીકના ગુજરાત કિનારા પર એક ઉપલા હવાનું ચક્રવાતી પરિભ્રમણ સરેરાશ સમુદ્ર સપાટીથી 5.8 કિમી અને 7.6 કિમીની વચ્ચે છે.

ગઈકાલનું ચક્રવાતી પરિભ્રમણ હવે ઉત્તરપૂર્વ અરબી સમુદ્રથી ઉત્તરપશ્ચિમ બંગાળની ખાડી સુધી સૌરાષ્ટ્ર અને દક્ષિણ ગુજરાત થઈને ફેલાયેલું છે, ચક્રવાતી પરિભ્રમણ ઉત્તરપશ્ચિમ મધ્યપ્રદેશ અને નજીકના પૂર્વ રાજસ્થાન પર સરેરાશ સમુદ્ર સપાટીથી 1.5 કિમી અને 5.8 કિમીની વચ્ચેના સ્પષ્ટ રીતે ચિહ્નિત થયેલ ઓછા દબાણવાળા ક્ષેત્ર સાથે સંકળાયેલું છે. ચોમાસાની ચક્રવાતી પરિભ્રમણ જેસલમેરમાંથી પસાર થાય છે, જે ઉત્તરપશ્ચિમ મધ્યપ્રદેશ પર સ્પષ્ટ રીતે ચિહ્નિત થયેલ ઓછા દબાણવાળા ક્ષેત્રનું કેન્દ્ર છે, જે પૂર્વ રાજસ્થાન, સિદ્ધિ, ડાલ્ટનગંજ, દિઘાને અડીને આવે છે, અને પછી દક્ષિણપૂર્વ તરફ પૂર્વ-મધ્ય બંગાળની ખાડીમાં જાય છે, જે સરેરાશ સમુદ્ર સપાટીથી 0.9 કિમી સુધી વિસ્તરે છે.