તાલિબાને અફઘાનિસ્તાનની રાષ્ટ્રીય રાજધાની કાબુલ પર કબજાે જમાવ્યા બાદ પૂર્વ રાષ્ટ્રપતિ અશરફ ગની દેશ છોડીને ભાગી ગયા હતા, જ્યારે ઉપરાષ્ટ્રપતિ અમરૂલ્લાહ સાલેહે બળવાખોરો સામે મોરચો ખોલ્યો હતો. તાલિબાન સામે ક્યારેય ન ઝૂકવાની પ્રતિજ્ઞા લેનાર અમરૂલ્લાહ સાલેહે પોતાને અફઘાનિસ્તાનના કાર્યકારી રાષ્ટ્રપતિ જાહેર કર્યા. તેમણે ટ્વીટ કરીને વિશ્વને તેમના ર્નિણયની જાણકારી આપી હતી.
આ પણ વાંચો – તાલીબાન : મહિલાને સ્વતંત્રતા આપવાના દાવા વચ્ચે મહિલા ન્યુઝ એન્કર્સ પર પ્રતિબંધ મુકાયો
અમરૂલ્લાહ સાલેહે ટ્વીટર પર લખ્યું, ‘અફઘાનિસ્તાનના બંધારણ મુજબ, એફવીપી રાષ્ટ્રપતિની ગેરહાજરી, છટકી, રાજીનામું અથવા મૃત્યુમાં કાર્યકારી રાષ્ટ્રપતિ બને છે. હું હાલમાં મારા દેશની અંદર છું અને કાયદેસર રીતે સંભાળ રાખનાર રાષ્ટ્રપતિ છું. હું તમામ નેતાઓના સમર્થન અને સહમતિ માટે સંપર્ક કરી રહ્યો છું. અમરૂલ્લાહની આ જાહેરાત બાદ તાલિબાન તરફથી હજુ સુધી કોઈ પ્રતિક્રિયા આપવામાં આવી નથી.
આ પણ વાંચો – અમેરીકન બેંકમાં પડેલી અફઘાની સંપત્તિને ફ્રીઝ કરવામાં આવી – તાલીબાન માટે ઉપલબ્ધ નહી કરવામાં આવે !
એ યાદ રહે કે કાબુલમાં તાલિબાનના આગમનથી અમરૂલ્લાહ સાલેહ ઉત્તરી ગઠબંધનના ભૂતપૂર્વ કમાન્ડર અહમદ શાહ મસૂદના ગઢ પંજીર ખીણમાં રહે છે. આ એ જ જગ્યા છે જ્યાં આજ સુધી તાલિબાન કબજાે મેળવી શક્યું નથી. અફઘાનિસ્તાનના ઉપરાષ્ટ્રપતિ અમરૂલ્લાહ સાલેહ પણ પંજશીરના છે, જ્યાં તેઓ તાલિબાનના કાબુલમાં પ્રવેશ બાદથી રહે છે. પંજશીરમાં પહોંચેલા ઉપરાષ્ટ્રપતિ અમરૂલ્લાહ સાલેહે તાલિબાનને ખુલ્લો પડકાર આપતા કહ્યું છે કે તે કોઇપણ સંજાેગોમાં તાલિબાન આતંકવાદીઓ સામે ઝૂકશે નહીં. અમરૂલ્લાહ સાલેહે પોતાની એક ટિ્વટમાં લખ્યું, ‘હું ક્યારેય અમારા હીરો અહેમદ શાહ મસૂદ, કમાન્ડર, લિજેન્ડ અને ગાઈડની ભાવના અને વારસા સાથે દગો કરીશ નહીં. મારી વાત સાંભળનારા લાખો લોકોને હું નિરાશ નહીં કરું. હું તાલિબાન સાથે ક્યારેય એક છત નીચે ક્યારેય રહીશ નહીં.
