ભિલોડા પોલીસે બાતમી આધારે રેડ કરી ભિલોડાના છાપરામાંથી બાઇક ચોરને પકડી ત્રણ ગુનાનો ભેદ ઉકેલી પકડાયેલ શખ્સ સામે કાયદેસરની કાર્યવાહી કરી ભિલોડા પીઆઇ ડી.બી.વાળાએ ભિલોડા પોલીસ સ્ટાફને મિલ્કત સંબંધી ગુનાઓ તેમજ વાહન ચોરીના વણશોધાયેલ ગુનાઓ શોધી કાઢવા અસરકારક કાર્યવાહી કરવા જરૂરી માર્ગદર્શન આપેલ જે અન્વયે સ્ટાફના માણસો પેટ્રોલિંગમાં હતા.
તે દરમ્યાન ખાનગી રાહે બાતમી મળેલ કે, ભિલોડા પોલીસ સ્ટેશન ખાતે નોંધાયેલ ચોરાયેલ બાઇક ભિલોડાના છાપરાના રહીશ જીતેન્દ્રભાઇ બદાભાઈ ડામોરનાના ઘરની આગળ આંગણમાં મૂકેલ જેથી બીજા પોલીસ સ્ટાફના માણસો તેમજ પંચો સાથે જીતેન્દ્રભાઈ બદાભાઈ ડામોર રહે.ભિલોડા છાપરા, ભિલોડાના ઘરે જતાં બાઇકો બાબતે પૂછપરછ કરતાં ત્રણેય બાઇકોના જરૂરી કાગળો રજૂ કરવા જણાવતાં.
ત્રણેય બાઇકના કોઈ કાગળો રજૂ કર્યા ન હતા અને આ શખ્સે કોઈ સંતોષકારક જવાબ ન આપતાં જીતેન્દ્રભાઈ ડામોરે ત્રણેય બાઇક ચોર્યાની કબૂલાત કરતાં ત્રણેય બાઇક મળતાં ભિલોડા પોલીસ સ્ટેશન લઈ આવી ત્રણ ચોરીના ગુનાો દાખલ કરી શખ્સ વિરુદ્ધ કાયદેસરની કાર્યવાહી હાથ ધરી છે.
