ગરવી તાકાત અરવલ્લી : મોડાસામાં ડુઘરવાડા ચોકડી ખાતે યુવકની હત્યા થતાં ફરિયાદ નોંધાતા અરવલ્લી LCBએ બે મુખ્ય આરોપીઓને ગુજરાત-મધ્યપ્રદેશ સરહદ પરથી ગણતરીના કલાકોમાં ઝડપી લીધા હતા મોડાસાના સર્વોદય બેંક સામે, ડુઘરવાડા સર્કલ ખાતે, મૃતક જાઉલ જાકીરભાઈ મુલ્તાની સાથે રૂપિયાની લેવડ-દેવડ બાબતે બોલાચાલી અને ઝઘડો થયો હતો. આ ઝઘડા દરમિયાન, આરોપીએ મૃતકને બાઇકના સ્ટીલના બમ્પર વડે છાતીના ભાગે મારી દઈ ગંભીર ઈજાઓ કરી મોત નિપજાવી ફરાર થઈ ગયો.
આ ઘટના અંગે મોડાસા ટાઉન પો.સ્ટેમાં ફરિયાદ નોંધાઇ આ ખૂનના ગુનામાં સંડોવાયેલા બે મુખ્ય આરોપીઓમાં અશરફભાઈ ઉર્ફે ગુચ્છા અજમેરી મુલ્તાની અને અજમેરી નાથુભાઈ મુલ્તાની ઓળખ થઇ. ગુનો કર્યા બાદ બંને આરોપીઓ મોડાસાથી નીકળીને ઇન્દોર, મધ્યપ્રદેશ ખાતે ભાગી ગયા એલસીબીની ટીમને હ્યુમન સર્વેલન્સથી બાતમી મળી.
કે બંને આરોપીઓ એક ખાનગી વાહન મારફતે ગુજરાત-મધ્યપ્રદેશની બોર્ડર પરથી પસાર થવાના. આ હકીકતને આધારે, પીટોલ બોર્ડર ઉપર વોચ ગોઠવાઇ. વોચ દરમિયાન ઉપરોક્ત બંને આરોપીઓ મળતાં તેમને ભારતીય નાગરિક સુરક્ષા સંહિતાની કલમ 35 (1)(જે) મુજબ અટક કરાયા પકડાયેલા બંને આરોપીઓને આગળની તપાસ માટે મોડાસા ટાઉન પોલીસ સ્ટેશનમાં મોકલી અપાયા.
