આ અંગે વધુ એસટી વિભાગના નિયામકે જણાવ્યુ હતુ કે કોરોના મહામારીના આ સંકટ વચ્ચે પણ એસટી વિભાગમાં ફરજ બજાવતા ડ્રાઇવર, કંટક્ટર, મીકેનીક સહિત વહીવટીય અને વિવિધ વિભાગના અધિકારીઓ પણ કોરોના વોરીયર્સ બનીને ફરજ બજાવે છે. કોરોનાના કેસોમાં થયેલા વધારા બાદ મહેસાણા સહિતના અન્ય શહેરોમાં સ્વૈચ્છિક લોકડાઉન જાહેર કરવામાં આવ્યુ છે. તેમ છતાં પણ મહેસાણા એસટી ડિવિઝન દ્વારા મુસાફરોને કોઇ મુશ્કેલીના પડે તે પ્રકારનુ આયોજન કરાયુ છે.  મહેસાણા એસટી ડિવિઝનમાં 3714 કર્મીઓ પૈકી 161 કર્મીઓ કોરોનાના સકંજામાં આવી ગયા હતા. કોરોના પોઝિટીવ 161 કર્મીઓને જરૂરી મેડીકલ સહાય મળે તેનીપણ ખાસ વ્યવસ્થા કરવામાં આવી હતી. જે પૈકી 62 કર્મીઓએ કોરોનાને મ્હાત કરી પૂન: તંદુરસ્ત થયા હતા. અને ફરજપર હાજર થઇ અન્ય કર્મીઓને પણ કોરોના સામેની લડાઇમાં મક્કમ મનોબળ, જરૂરી દવાઓ, કસરત જરૂરી હોવાનું જણાવી સોશિયલ ડીસ્ટન્સ, માસ્ક પહેરવું, વારંવાર હાથ ધોવા સહિતની સમજણ આપી સાચા અર્થમાં કોરોના વોરિયર્સની ઓળખ આપે છે.