કડી કોર્ટની સામે આવેલી દુકાનમાં ગત 6 નવેમ્બરે મોટી રેઈડ કરવામાં આવી હતી. લોકલ ક્રાઇમ બ્રાન્ચે વરલી મટકા રમતાં 12 આરોપી ઝડપી કુલ 15 વિરુદ્ધ ગુનો દાખલ કર્યો હતો. જેની અસર વહીવટ કાર્યવાહીમાં સામે આવતાં ચકચાર મચી ગઇ છે. આ કાર્યવાહીમાં ફરજમાં નિષ્ફળ કડી પોલીસના પીએસઆઈ સહિત 3 કર્મચારી સસ્પેન્ડ થયા છે. સ્થાનિક પોલીસ સ્ટેશનના કર્મચારીઓ જવાબદારી અદા કરવામાં નિષ્ફળ રહ્યાનું સામે આવતાં પોલીસ વિભાગે કાર્યવાહી કરી છે. જેને પગલે મહેસાણા પોલીસ સહિત સુરક્ષા આલમમાં સસ્પેન્ડની બાબત સૌથી વધુ ચર્ચાસ્પદ બની છે.

આ પણ વાંચો – કડી:પત્નિએ બાળક અને પ્રેમી સાથે કેનાલમા પડી જીવન ટુંકાવ્યુ

મહેસાણા જિલ્લાના કડી શહેરમાં એલસીબીએ અચાનક રેઈડ કરી હતી. કોર્ટની સામે આવેલી ઈલેક્ટ્રોનિક્સ દુકાનમાં વરલી મટકા રમતા કે રમાડતાં હોવાની બાતમી આધારે એલસીબી ટીમ પહોંચી હતી. જેમાં વરલી મટકાનો જુગાર રમતાં એકસાથે 12 આરોપી ઝડપી લેવામાં આવ્યા હતા. જ્યારે 3 આરોપી મળી નહિ આવતાં શોધખોળ શરૂ કરવામાં આવી હતી. આ પછી એલસીબીના હેડ કોન્સ્ટેબલ હર્ષદસિંહે કડી પોલીસ સ્ટેશને કુલ 15 આરોપી વિરુદ્ધ ગુનો દાખલ કરાવ્યો હતો. જોકે આ કાર્યવાહી કરવામાં જેની જવાબદારી છે તે પોલીસ સામે સવાલ ઉભા થયા હતા. આથી સંપૂર્ણ વહીવટ ગતિવિધિને પગલે કડી પોલીસના PSI અને બે હેડ કોન્સ્ટેબલ સસ્પેન્ડ થયા છે. પોલીસ વિભાગના અધિકારીએ PSI આર.આઇ.પરમાર, હે.કો. રજનીભાઇ ખેમાભાઈ પરમાર અને હે.કો.ચેહરાભાઈ દેસાઈને સસ્પેન્ડ કર્યા છે.

આ પણ વાંચો – રાધનપુર: લાંબા સમયથી ગટરોની સફાઈ ના થતા અંદર ઉતરી આવેદનપત્ર આપવામાં આવ્યુ

એક તો કોર્ટ બિલ્ડિંગ સામે જુગારધામ પકડાયું તેમજ જુગારમાં પકડાયેલા કેટલાક રીઢા આરોપી હતા. કડી પોલીસ સ્ટેશનની દારૂ પ્રકરણ બાદથી પારદર્શક ભૂમિકા ઉભી કરવા પ્રયાસ થાય છે. જોકે વારંવાર કાયદો અને વ્યવસ્થા બાબતે ઉભા થતાં સવાલો વચ્ચે એલસીબીએ એકસાથે 12 જુગારીઓ પકડી લેતાં ચકચાર મચી હતી. આથી ફરજમાં નિષ્કાળજી બદલ એક પીએસઆઈ સહિત 3 પોલીસ કર્મચારીને સસ્પેન્ડ કરી મોટો નિર્ણય આપવામાં આવ્યો છે. ત્યારે કડી પોલીસ સ્ટેશન લોકડાઉનમાં દારૂકાંડ બાદ હવે જુગારધામમાં પણ હાથ કાળા કરી ચૂક્યું છે કડી નું પોલીસ તંત્ર  ત્યારે નવાઈની વાત એ છે કે અહીં પોલીસ સ્ટેશનમાં ફરજ પર આવતા નવા પોલીસ કર્મીઓ એક પછી એક કૌભાંડમાં બેદરકારી દાખવતા હોઈ કાયદાના રક્ષક જ કાયદાના સકનજામાં ફસાઈ રહ્યા છે અને જયારે કડી માં દિવસે ને દિવસે વધી રહેલા ક્રાઇમ અને  રેઢિયાર ગુનેગારો ને પણ હવે કડી પોલીસ નો જયારે ડર લાગતો નથી કારણકે પોલીસ જ કાયદાનું પાલન કરવામાં નિષ્ફળ છે તો ગુનેગારો માં શેનો પોલીસ નો ડર રહેવાનો છે.

Contribute Your Support by Sharing this News: