photo credit - twitter

બનાસડેરી ની ચુંટણી જાહેર થતા શરૂઆતમાં તો ખુબ ગરમા ગરમી જોવા મળી હતી પરંતુ જેમ જેમ ચુંટણીની તારીખો નજીક આવી રહી છે એમ એમ બનાસ ડેરીના ચેરમેન તરફ માહોલ બનતો જઈ રહ્યો છે.બનાસડેરીમાં ઉમેદવારોની ફોર્મ ભરવાની તારીખનો છેલ્લો દિવસ હોવા છતા પણ 9 પદો ઉપર કોઈયે ફોર્મ ન ભરતા કુલ 16 ઉમેદવારો માથી 9 ઉમેદવારો બીન હરીફ ચુંટાઈ આવ્યા હતા.

જે લોકો વર્તમાન ચેરમેન શંકરભાઈ ચૌધરીને ચુંટણીમાં હરાવવાની વાતો કરી રહ્યા હતા તેઓને ઉમેદવાર પણ નથી મળી રહ્યા,જેથી શંકરભાઈ ચૌધરીની પેનલના 9 ઉમેદવાર બીનહરીફ ચુટાઈ આવ્યા છે.

સુત્રો દ્વારા જાણવા મલી રહ્યુ છે કે ફોર્મ પાછા ખેંચવાની છેલ્લી તારીખો સુધી બીજા ફોર્મ પાછા ખેંચાઈ શકે છે. જેથી શંકરભાઈ ચૌધરીનુ બનાસ ડેરીના ચેરમેન બનવુ લગભગ નક્કી થઈ ગયુ છે.

બનાસ ડેરીમાં જે 9 ઉમેદવારો બીનહરીફ ચુંટઈ આવ્યા છે તેઓની વિગત નીચે પ્રમાણે છે.
(1) રાધનપુર – શ્રી શંકરભાઈ ચૌધરી (2) સુઈગામ – શ્રી મુળજીભાઈ પટેલ (3) અમીરગઢ – શ્રી ભાવાજી રબારી (4) લાખણી – શ્રી ધુડાભાઇ ઉ. ચૌધરી (5) સાંતલપુર – શ્રી રાઘાભાઈ આયર (6) ધાનેરા – શ્રી જોઈતાભાઈ પટેલ (7)દાંતા – શ્રી દિલીપસિંહ બારડ (8) વાવ – શ્રી રાયમલભાઈ કે. ચૌધરી (9)દાંતીવાડા – શ્રી પરથીભાઈ જે. ચૌધરી

શંકરભાઈ ચૌધરી ઉપર ભુતકાળમાં અનેક આરોપો લગાવી ચુકેલા જનનેતા અલ્પેશ ઠાકોરે પણ તેઓને આજે બીનહરીફ વરણી થવા બદલ ટ્વીટ કરી શુભકામનાઓ આપી હતી. જેમા તેઓએ લખ્યુ હતુ કે, બનાસ ડેરીની ચુંટણીમાં વિજયી બનવા બદલ આપને ખૂબ ખૂબ શુભેચ્છાઓ. આપ ફરી એકવાર બનાસ ડેરી ના સુકાની બનવા જઈ રહ્યા છો ત્યારે લાખો ખેડૂતો અને પશુપાલકોનો વિકાસ કરશો તેવી મને સંપૂર્ણ શ્રધ્ધા છે. એડવાન્સમાં તમને અભિનંદન બનાસ ડેરીના ચેરમેન તરીકેની બીજી ઈનીંગ માટે.

શંકરભાઈ ચૌધરી ની બીનહરીફ વરણી થવાથી તેઓને ભારતીય જનતા પાર્ટીના યુવા મોર્ચાના કન્વીનર ધવલ આચાર્યે ટ્વીટ કરી અભિનંદન આપ્યુ હતુ.

સુત્રો દ્વારા જાણવા મળી રહ્યુ છે એ મુજબ હજુ પણ બનાસ ડેરીની કાંકરેજ,દિયોદર અને ભાભરની બેઠક પણ બીનહરીફ થાય એવી શક્યતાઓ છે, અને પાલનપુર, ડીસા, અને વડગામ ની શીટો ઉપર ચુંટણી યોજાઈ શકે છે.

બીજા સાથે સમાચાર શેર કરો.