પાટણ જિલ્લામાં આજ સવારથી જ સર્વત્ર વરસાદ જામ્યો છે. પાટણ, ચાણસ્મા, હારીજ, સરસ્વતી ,સમી તેમજ રાધનપુર તાલુકાઓમાં મુશળધાર વરસાદ ખાબક્યો છે.
આજ સવારે 6થી 8 કલાકમાં બનાસકાંઠાનાં દાંતામાં 23 મિમી, વડાલીમાં 22 મિમી, ખેરાલુમાં 15 મિમી, સિદ્ધપુરમાં 13 મિમી, ખેડબ્રહ્મામાં 11 મિમી અને મહેસાણામાં 10 મિમી વરસાદ નોંધાયો છે.
છેલ્લા 24 કલાકનાં વરસાદનાં આંકડાની વાત કરીએ તો ભરૂચનાં હાંસોટમાં 7 ઇંચ જેટલો વરસાદ ખાબક્યો છે. જ્યારે જામનગરનાં જોડિયામાં 5.3 ઇંચ, અંકલેશ્વરમાં 4.4 ઇંચ, ભરૂચમાં 4.24 ઇંચ અને સુરતનાં ઓલપાડમાં 4 ઇંચ જેટલો વરસાદ નોંધાયો છે.
હવામાન વિભાગની આગાહી પ્રમાણે આજે ભારેથી અતિભારે વરસાદ ગાંધીનગર, ખેડા, અમદાવાદ, આણંદ, જામનગર, અમરેલી, ભાવનગર, ગીર સોમનાથ તથા બનાસકાંઠા, પાટણ, વડોદરા,ભરૂચ, સુરત, નવસારી, વલસાડ, દેવભૂમિ દ્વારકા, મોરબી, સુરેન્દ્રનગર, રાજકોટ, પોરબંદર, જુનાગઢ, બોટાદ, કચ્છમાં પડશે તેવું જણાવવામાં આવ્યું છે. આ સાથે આવતીકાલે એટલે 29મી સપ્ટેમ્બરે બનાસકાંઠા, પાટણ, રાજકોટ, જામનગર, પોરબંદર, દ્વારકા, કચ્છમાં અતિભારે વરસાદ અને મહેસાણા, સાબરકાંઠા, ગાંધીનગર, અરવલ્લી, અમદાવાદ, સુરેન્દ્રનગર, જુનાગઢ, મોરબી, ગીર સોમનાથમાં ભારે વરસાદની આગાહી કરવામાં આવી છે.બીજા સાથે સમાચાર શેર કરો.
